Anëtari i Kryesisë së Nismës Socialdemokrate, Bilall Sherifi, e ka komentuar fjalimin e ish-zëdhënësit të UÇK-së, Jakup Krasniqit, në nisje të gjykimit të tij sot në Hagë.
Sherifi ka shkruar se Krasniqi në fjalimin e tij përmes historisë së jetës së tij, të familjes së tij, të bashkëluftëtarëve të tij dhe të popullit shqiptar, solli historinë e gjenocideve që Serbia ka kryer në Kosovë nga viti 1945-1999.
“Jakup Krasniqi dje nga Malet e Berishës zëdhënës i lirisë, sot para gjykatës në mbrojtje të pastërtisë së luftës çlirimtare të popullit shqiptar!”, ka shkruar Sherifi.
