Shërbimi Korrektues i Kosovës ka njoftuar se ka pezulluar nga puna zyrtarin me inicialet Sh.G.
I njëjti dyshohet se ka pranuar ryshfet dhe kësisoj ka keqpërdorur detyrën zyrtare.
“Vendimi për pezullim është marr nga Komisioni Disiplinor i SHKK-së, dhe menjëherë janë njoftuar organet kompetente, të cilat po merren e rastin. Masa e pezullimit mbetet në fuqi deri në një vendim tjetër”, thuhet në njoftim.
ShKK ka njoftuar tutje se mbetet e përkushtuar në luftimin e këtyre dukurive negative dhe se do të ndërmerr të gjitha veprimet ligjore ndaj secilit individ, i cili është i përfshirë në veprime të tilla korruptive, pavarësisht rolit dhe funksionit që ka.
