Midis 10 dhe 11 marsit në vitin 1943 është bërë arrestimi i të gjithë hebrenjve në Maqedoni dhe më pas janë burgosur në Monopol, sot njihet si Kombinati i duhanit i cili atëherë ishte kamp përqendrimi i përkohshëm.
Hebrenj më së shumti ka pasur nga Manastiri, Shkupi dhe Shtipi dhe disa familje nga qytetet më të vogla.
Sipas evidencës së autoriteteve të atëhershme okupuese bullgare dhe gjermane, të arrestuar kanë qenë 7.144 hebrenj.
Nga Manastiri dhe Shtipi më 11 mars janë mbledhur në vagon për transportin e kafshëve, ku së bashku janë sjellë në Monopolin e Shkupit, ku më pas kanë qëndruar deri në fund të muajit mars në kushte ekstreme të rënda higjienike dhe psikologjike.
Atyre u ishte marrë tërë pasuria, ndërsa ari dhe paratë u janë konfiskuar.Pastaj janë ngarkuar përsëri midis 80 dhe 120 në një vagon dhe janë transportuar në Poloninë e atëhershme të okupuar, dhe janë ekzekutuar në kampin e vdekjes Treblinka.
Nga të arrestuarit, asnjëri nga ta nuk është kthyer.
Në Maqedoni në vitin 1943, në Treblinkë janë vravë 98 përqind nga komuniteti hebrej, që i bie përqindja më e madhe në botë.
Në përkujtim të hebrenjve të Maqedonisë, në vitin 2008 një delegacion i Republikës së Maqedonisë në kampin Treblinka vendosi shenjë me mbishkrimin “Maqedonia”.
Pastaj në mars të vitit 2011, në mahallën hebraike në Shkup, u hap në mënyrë solemne Qendra memoriale e holokaustit të hebrenjve të Maqedonisë.
Ky muze është ndërtuar me mjetet e pronave të familjeve të hebraikëve të vravë të cilët nuk kanë pasur trashëgimtarë.
Sipas vlerësimeve në Treblinkë janë vrarë rreth 900 mijë njerëz, prej të cilëve mbi 750.000 hebrenj. Viktimat e holokaustit në këtë kamp, i cili ndodhej 100 kilometra në verilindje të Varshavës, ishin vrarë midis muajit korrik të vitit 1942 dhe tetorit të vitit 1943./Kp
