Në sheshin kryesor të Prishtinës është shënuar 24-vjetori i çlirimit të kryeqytetit nga forcat okupatore dhe kriminale serbe, një aktivitet i përbashkët mes FSK-së dhe Komunës së Prishtinës.
Ky përvjetor u shënua me një ceremony të parakalimit në shesh të ushtarëve të FSK-së bashkë me fëmijë “si dy gjenerata që shënojnë tri periudha të ndryshme kohore të shtetësisë së Republikës së Kosovës”.
“Liria shoqëron zhvillimin, e zhvillimi në mënyrë eksponenciale përcjellë kohën, ashtu që pandashëm dhe së bashku institucionet e qytetarët e Republikës së Kosovës me punë të vazhdueshme do të shënojnë arritje të tjera në aspektin e mirëqenies së gjithmbarshme sociale”, thuhet në njoftimin e Ministrisë së Mbrojtjes.
