Situata në Banjskë të Zveçanit po i rikthehet normalitet pas sulmit terrorist të 24 shtatorit. Policia e Kosovës ka pastruar sot rrugët ku ndodhi sulmi, teksa qytetarët janë shprehur optimist për ditë të mira.
Shenjat e sulmit terrorist të 24 shtatorit, nuk po i largon uji.
Gëzhojat e plumbave janë ende në rrugën për në Manastirin e fshatit Banjskë, pavarësisht që të njëjtat tentuan ti pastrojnë ekipet e zjarrfikësve.
Megjithatë qytetarët në këtë anë, po shpresojnë se do të vijnë ditë të mira.
Që situata po i kthehet normalitetit, po e thotë edhe drejtori i policisë për rajonin e Mitrovicës së Veriut, Veton Elshani.
Elshani tregon që aksioni po vazhdon më thellë në brendësi të malit.
E situata e qetë shihet edhe në teren, pavarësisht qe patrullat e policisë po vazhdojnë të qëndrojnë në disa postblloqe.
Në secilën prej tyre, ka zyrtarë të Njësisë Speciale të Kosovës.
Pastrimi i rrugës nga zjarrfikësit ka filluar nga Manastiri deri poshtë në fshatin Banjskë.
Gjatë qëndrimit të ekipit të Tëvë1, nuk janë para për monitorim trupa të KFOR-it ose EULEX-it.
