Tretja e mirë është thelbësore për shëndetin tonë, pasi ajo na mundëson jo vetëm ndjenjën e ngopjes, por edhe të qetësisë pas ngrënies. Nuk është vetëm çështje e proceseve kimike që ndodhin në trup, por dhe e kënaqësisë që vjen nga një organizëm që ka marrë dhe përthithur ushqimin siç duhet. Nga ana tjetër, një tretje e dobët mund të shkaktojë inflamacion në mukozën e stomakut, i cili mund të çojë në djegie dhe dhimbje. Kjo mund të krijojë një shqetësim të përhershëm dhe të ndikojë në cilësinë e jetës.
Shpesh njerëzit nuk e dinë që në trupin e tyre kanë nivele të larta aciditeti. Trupi juaj kërkon një nivel të caktuar të pH për të funksionuar me efektivitet, prandaj duhet t’i kushtojmë vëmendje këtij fakti. Nivelet e larta të aciditetit në trup mund të na bëjnë më të predispozuar ndaj disa sëmundjeve dhe thithin nutrientët nga kockat tona si kaliumi, kalciumi apo kripërat që i bëjnë mirë shëndetit tonë.
Ndiheni të stresuar dhe nuk i shijoni gjërat që ju pëlqejnë, keni lëkurë të thatë edhe në muajt e ngrohtë, frymëmarrje të shkurtra, dhimbje kronike që nuk shkaktohen nga një lëndim ose sëmundje, probleme me tretjen që manifestohen në kapsllëk ose diarre. Në këtë rast duhet të bëni një test urine ose pështyme për të kontrolluar nivelet e pH në trup. Nëse këto vlera janë nën 6.5, trupi juaj po përballet me nvivele të larta aciditeti. Po çfarë duhet të bëni? Reduktoni sasitë e sheqerit, reduktoni konsumin e kafeinës dhe pini sa më shumë ujë të filtruar.
Ndërkaq, fryrja e barkut i ndodh të gjithëve në momente të caktuara, edhe kur bëjmë maksimumin e përpjekjeve për të qenë në formë të mirë fizike. Duhet patur parasysh që duhet të tregosh kujdes me ushqimet që e ndjen se të shkaktojnë siklet për të mos i ngrënë. Ka raste që fryrja shkaktohet pas një vakti të bollshëm me një ose dy ushqime problematike. Ndonjëherë shkaktar është uji i mbledhur në trup prej ndryshimeve hormonale. Ndjesia e parehatisë që shkakton fryrja, është sikleti më i madh.
