Në një lagje të kryeqytetit një vendpunishte pësoi shembje të dheut, ku për pasojë u dëmtua një veturë. Komuna thotë se këto punime ishin me leje, megjithëse do të rishikojnë kushtet e këtyre punimeve.
Shiritat e rrezikut janë vënë përreth një perimetri afër një ndërtese shumëkatëshe dhe një vendpunishte në rrugën Gazmend Zajmi në Prishtinë.
Kjo shkaku i shembjes së dheut këtu me ç’rast u dëmtua edhe një veturë.
Në vendin e ngjarjes doli edhe Policia e Kosovës.
“Rreth orës 12:00 është raportuar për shembje dheu në një vend punishte në rrugën “Gazmend Zajmi” në Prishtinë. Nuk raportohet për persona të lënduar përveç dëmeve materiale përfshirë këtu edhe një veturë”, është deklaruar Policia.
Në vendngjarje pati edhe zyrtarë komunalë, të cilët konfirmuan se punimet në këtë zonë ishin me leje, por që do të rishikohen kushtet e këtyre punimeve.
Të shqetësuar me këtë ngjarje shprehën banorët.
Për pasojë, ata për disa ditë u është thënë se do të ketë mungesë të energjisë elektrike dhe të ujit.
Punimet në këtë hapësirë pas disa orësh nga incidenti, vazhduan sërish.
