Shefi i Zyrës së Bashkimit Evropian, Tomas Szunyog, ka reaguar ndaj sulmeve të grupeve kriminale në veri të Kosovës, ku për pasojë një polic është vrarë, një është plagosur si dhe një është lënduar.
Szunyog sulmin e ka quajtur të tmerrshëm.
“Lexoni deklaratën e Përfaqësuesit të Lartë të BE-së, Josep Borrell, për sulmin e tmerrshëm nga një bandë e armatosur kundër policëve të Kosovës në Banjskë në veri të Kosovës”, ka shkruar ai në “X”.
Ai i ka shprehur ngushëllime për familjen e policit të vrarë.
“Ngushëllimet e mia të përzemërta familjes, kolegëve dhe të dashurve të punonjësit të policisë që humbi jetën në krye të detyrës”, ka shkruar Szunyog./teve1.info/
Read the statement by HR/VP @JosepBorrellF on the hideous attack by an armed gang against Kosovo Police officers in Banjska/Banjskë in the north of Kosovo. My heartfelt condolences to the family, colleagues & loved ones of the police officer who lost his life in the line of duty. https://t.co/A5LkS4vegI
— Ambassador Tomáš Szunyog (@EUAmbKS) September 24, 2023
