Shefi i Misionit të OSBE-së në Kosovë, Michael Davenport, ka reaguar pas vrasjes së policit në veri të vendit, duke e dënuar me gjuhën më të ashpër sulmin ndaj Policisë së Kosovës.
Davenport tha se autorët e këtyre krimeve, të cilat ai i quajti të neveritshme, duhet të sillen menjëherë para drejtësisë.
ADVERTISEMENT
“Dënoj me gjuhën më të ashpër të mundshme sulmin brutal të mëngjesit të sotëm mbi Policinë e Kosovës, ku një oficer mbeti i vrarë dhe një tjetër u plagos. Paqja duhet të rivendoset dhe dialogu në interes të të gjitha komuniteteve duhet të vazhdojë”, tha Davenport.
Ndërsa kujtojmë se të shtënat me armë zjarri po vazhdojnë ende në veri të vendit.
