Shefi i Inteligjencës izraelite, David Barnea, ka vizituar këtë javë Uashingtonin për të kërkuar ndihmën e SHBA-së në bindjen e vendeve të tjera që të pranojnë qindra mijëra palestinezë nga Gaza, raportoi të premten Barak Ravid nga Axios, duke cituar burime të njohura me diskutimet, transmeton gazeta nacionale izraelite.
Barnea u takua me të dërguarin e Shtëpisë së Bardhë, Steve Witkoff, duke zbuluar se Izraeli ka zhvilluar bisedime me Etiopinë, Indonezinë dhe Libinë – të gjitha këto kanë treguar njëfarë gatishmërie për të pranuar palestinezë të zhvendosur.
Ai i bëri thirrje SHBA-së të ofrojë stimuj për këto vende dhe të ndihmojë në lehtësimin e përpjekjes.
Megjithatë, Witkoff mbeti i paangazhuar dhe mbetet e paqartë nëse Uashingtoni do të përfshihet aktivisht në këtë propozim.
Ndërsa ky propozim është në përputhje me planin që presidenti Donald Trump propozoi në shkurt, i cili parashikonte largimin e të gjithë banorëve të Gazës për të rindërtuar enklavën, Axios raportoi se Shtëpia e Bardhë u tërhoq nga ideja pas një kundërshtimi të fortë nga vendet arabe.
Kritikët argumentojnë se zhvendosja – edhe pse përshkruhet nga qeveria e kryeministrit izraelit, Benjamin Netanyahu si vullnetare – mund të përbëjë një krim lufte.
