Presidenti i Këshillit Evropian, Antonio Costa, do të vizitojë Ballkanin Perëndimor nga 12 deri më 16 maj 2025, ku do të takohet me liderët e rajonit dhe do të bashkorganizojë Samitin e Komunitetit Politik Evropian në Tiranë.
Në kuadër të vizitës, Costa do të ndalet në Prishtinë më 14 maj, ku do të zhvillojë një takim me presidenten Vjosa Osmani.
Sipas agjendës së publikuar, presidenti Costa do të takohet me të gjithë liderët e tjerë të rajonit, përfshirë presidentët dhe kryeministrat e vendeve të Ballkanit Perëndimor.
Sipas njoftimit, një pjesë e rëndësishme e vizitës do të jetë Samiti i Komunitetit Politiko Evropian, që do të zhvillohet në Tiranë më 16 maj.
Samiti, i cili do të mbledhë liderët e shteteve të kontinentit, ku ka si temë “Evropa e Re në një Botë të Re: Bashkim – Bashkëpunim – Veprim i Pajtueshëm”, dhe do të përqendrohet në sigurinë dhe koordinimin e politikave ndërmjet shteteve anëtare dhe jo-anëtare të Bashkimit Evropian.
Ndër tjera thuhet se Costa, përmes kësaj vizite, synon të theksojë angazhimin e BE-së për të mbështetur procesin e zgjerimit dhe forcimin e marrëdhënieve me vendet e Ballkanit Perëndimor./teve1.info/
