Kryeshefi Ekzekutiv i Inspektoratit Policor të Kosovës, Kushtrim Hodaj, ka pritur të enjten Shefin e Misionit të Bashkimit Evropian për Sundimin e Ligjit në Kosovë (EULEX), Giovanni Pietro Barbano.
Gjatë takimit, Hodaj e informoi Barbanon për punën dhe arritjet e IPK-së, ndërsa Barbano vlerësoi rolin e rëndësishëm të Inspektoratit Policor në sundimin e ligjit dhe respektimin e të drejtave të njeriut.
“Gjatë këtij takimi z. Hodaj e informoi z.Barbano për punën dhe të arriturat e Inspektoratit Policor të Kosovës. Barbano falënderoi Kryeshefin e IPK-së për pritjen duke vënë në pah rolin e rëndësishëm që ka Inspektorati Policor në sundimin e ligjit dhe respektimit të të drejtave të njeriut dhe duke vlerësuar diskutimet e hapura të përbashkëta dhe konstruktive”, thuhet në njoftim.
Në fund të takimit Hodaj e falënderoi Misionin e EULEX-it për përkrahjen e vazhdueshme që ky mision ka dhënë në zbatimin e mandateve ligjore të IPK-së.
