Tom Fletcher, Shefi për Çështjet Humanitare i OKB-së , kaloi në qytetin e Gazës të shtunën. Ditari i tij për The Observer përshkruan situatën e dëshpëruar në terren.
“Asgjë nuk të përgatit për Gazën”, shkroi ai pasi hyri në pikën kufitare Karem Abu Salem. “Shkalla e shkatërrimit, dendësia e humbjes, qëndresa e qetë në sytë e njerëzve”.
Në qytetin e Gazës, ai tha se takoi një gjyshe e cila i kërkoi falje sepse nuk mundi t’u ofronte çaj kur u takuan.
“Shtëpia e saj u shkatërrua një javë më parë”, tha ai.
“Gaza është një shkretëtirë. Rrugët janë të mbushura me rrënoja”, shkroi Fletcher, citon Al Jazeera.
Ai shtoi se ajo që nevojitet nuk është “një rrjedhë ndihme, por një ortek ndihme”, duke paralajmëruar se “ua kemi borxh atyre që kanë duruar kaq shumë për të ecur përtej ciklit të mizorisë, terrorit dhe hakmarrjes”.
Driving on the road from Gaza City to Khan Younis yesterday. pic.twitter.com/gDGGIm5VM1
— Tom Fletcher (@UNReliefChief) October 19, 2025
