Sekretari amerikan i Mbrojtjes, Lloyd Austin, do të takohet me homologun e tij kinez, njoftoi Pentagoni. Njoftimi vjen pasi Pekini kreu stërvitje ushtarake dyditore përreth Tajvanit.
Pentagoni tha se Austin do të takohet me admiralin kinez, Dong Jun, gjatë pjesëmarrjes së tyre në Shangri-La Dialoguem që mbahet nga 31 maji deri më 2 qershor – ngjarje ku mblidhen zyrtarët e mbrojtjes nga e mbarë bota.
Kina gjatë kësaj jave rrethoi Tajvanin me luftanije dhe avionë luftarakë, gjatë stërvitjeve për të testuar aftësinë e saj për të marrë kontrollin e ishullit vetëqeverisës, që pretendon se i përket. Stërvitjet u mbajtën pas inaugurimit të presidentit, Lai Ching-te, i cili është zotuar se do të ruajë demokracinë e Tajvanit.
Sekretari amerikan i Mbrojtjes, Lloyd Austin, do të takohet me homologun e tij kinez, njoftoi Pentagoni. Njoftimi vjen pasi Pekini kreu stërvitje ushtarake dyditore përreth Tajvanit.
Pentagoni tha se Austin do të takohet me admiralin kinez, Dong Jun, gjatë pjesëmarrjes së tyre në Shangri-La Dialoguem që mbahet nga 31 maji deri më 2 qershor – ngjarje ku mblidhen zyrtarët e mbrojtjes nga e mbarë bota.
Kina gjatë kësaj jave rrethoi Tajvanin me luftanije dhe avionë luftarakë, gjatë stërvitjeve për të testuar aftësinë e saj për të marrë kontrollin e ishullit vetëqeverisës, që pretendon se i përket. Stërvitjet u mbajtën pas inaugurimit të presidentit, Lai Ching-te, i cili është zotuar se do të ruajë demokracinë e Tajvanit.
Takimi mes Austin dhe Dong është pritur pasi ata biseduan përmes telefonit në prill. Kjo ishte biseda e parë mes shefave të mbrojtjes të dy shteteve në pothuajse 18 muaj.
Administrata e presidentit amerikan, Joe Biden, dhe Kina kanë intensifikuar komunikimet me qëllim që të përmirësojnë raportet, teksa sekretari amerikan i Shtetit, Antony Blinken, vizitoi Pekinin dhe Shangain muajin e kaluar, shkruan REL.
Por, bisedimet e mbrojtjes nuk janë intensifikuar që kur presidenti kinez, Xi Jinping, u pajtua që të rinisë dialogun ushtarak gjatë samitit që zhvilloi me Bidenin në Kaliforni nëntorin e vitit të kaluar.
Javën e ardhshme, Austin po ashtu do të vizitojë Kamboxhian, ku do të zhvillojë bisedimet me ministrat e Mbrojtjes të bllokut të Azisë Juglindore dhe do të përmbyllë turneun e tij në Francë, ku do t’i bashkohet Bidenit në ngjarjen për të shënuar 80-vjetorin e Ditës së Fitores.
Njoftimi për turneun e Austin u bë publik të premten mbrëma, pas njoftimit se ai transferoi për dy orë e gjysmë detyrat e tij te zëvendësja, Kathleen Hicks, për shkak se iu nënshtrua një ndërhyrjeje shëndetësore.
