Në këtë takim sipas komunikatës thuhet se dialogu me Serbinë i lehtësuar nga BE-ja duhet të ketë në qendër njohjen reciproke.
“Sekretari i Shtetit Antony J. Blinken ka takuar sot presidenten e Kosovës Vjosa Osmani dhe kryeministrin Albin Kurti në Uashington DC. Sekretari Blinken theksoi partneritetin e qëndrueshëm midis Shteteve të Bashkuara dhe Kosovës dhe Sekretari falënderoi liderët për mbështetjen e tyre të fortë për Ukrainën dhe pritjen bujare të afganëve. Ata diskutuan rëndësinë e dialogut të lehtësuar nga BE-ja për normalizimin e marrëdhënieve ndërmjet Kosovës dhe Serbisë, me qendër njohjen reciproke, në rrugën drejt integrimeve euroatlantike”, thuhet në njoftimin e DASH.
Në një postim në Twitter , Blinken ka folur për takimin me Osmanin e Kurtin. Ai aty ka falënderuar Kosovën për strehimin e refugjatëve afganë dhe dënimin e agresionit rus në Ukrainë.
Pas takimit me Blinek, kanë shkruar edhe Osmani e Kurti duke vlerësuar ndihmën e SHBA-së dhe si aleatin më të madh./teve1.info/
https://teve1.info/lajmet/osmani-pas-takimit-me-blinken-u-deshmua-se-kosova-ska-mik-me-te-mire-e-fuqishem-sesa-shba-ne/
