Ambasada Amerikanë në Kosovë ka reaguar në lidhje me ekstradimin e një të pandehuri me sukses në ShBA përmes një bashkëpunimi dhe koordinimi me Kosovën.
Ambasada përmes një njoftimi në Facebook ka thënë se i pandehuri do të përballet me drejtësinë për akuzat dhe viktimizimin me qytetarët amerikanë.
Derisa, ambasada amerikane ka shpreh mirënjohje ndaj autoriteteve të Kosovës.
“Bashkëpunim dhe koordinim më i shkëlqyer midis Shteteve të Bashkuara dhe Kosovës sipas Traktatit tonë të Ekstradimit. Një i pandehur është ekstraduar me sukses në Shtetet e Bashkuara për t’u përballur me drejtësinë me akuzat për viktimizim të qytetarëve amerikanë. Jemi mirënjohës ndaj autoriteteve të Kosovës për mbështetjen e tyre të vazhdueshme. Kjo përpjekje e përbashkët përmirëson sigurinë publike dhe i bën të dy kombet tona më të sigurta”, ka shkruar ambasada./teve1.info/
Për këtë rast ka shkruar edhe ministrja në detyrë e Drejtësisë, Albulena Haxhiu.
Ajo ka thënë se ky rast është një hap i rëndësishëm i bashkëpunimit ndërkombëtar me Shtetet e Bashkuara të Amerikës.
“Ekstradimi i një personi të shumëkërkuar për krime kibernetike, është dëshmi konkrete e zotimit të palëkundur për sundimin e ligjit pa përjashtim dhe pa kompromis. Ky veprim është një hap i madh përpara në ndërtimin e besimit në drejtësi dhe forcimit të bashkëpunimit ndërkombëtar me Shtetet e Bashkuara të Amerikës. Ky është vetëm një rezultat nga hapat që po ndërmarrim për të dëshmuar se Kosova është një vend ku krimi nuk gjenë strehim”, ka shkruar Haxhiu.
Ekstradohet nga Kosova në SHBA kreu i tregut kriminal online
