“Shtetet e Bashkuara dhe qeveritë në të gjithë botën do të punojnë për të identifikuar dhe ngrirë asetet që elitat ruse dhe anëtarët e familjeve të tyre zotërojnë në juridiksionet tona përkatëse – jahtet e tyre, apartamentet luksoze, paratë dhe përfitimet e tjera të marra në mënyrë të paligjshme”, thuhet në vendimin e Shtëpisë së Bardhë.
Lista e re e individëve të përshkruar si “miqtë e Putinit dhe anëtarët e familjes së tyre” do të shkëputet nga sistemi financiar i ShBA-së, asetet e tyre në ShBA do të ngrihen dhe pronat e tyre do të bllokohen nga përdorimi.
Do të ketë sanksione të plota bllokuese ndaj tetë oligarkëve rusë, plus anëtarëve të familjes dhe bashkëpunëtorëve të tyre.
