Ambasada e Shteteve të Bashkuara të Amerikës në Kiev u ka bërë thirrje qytetarëve amerikanë në Ukrainë që të largohen duke përdorur edhe opsione private.
Përmes një njoftimi nga kjo Ambasadë kanë thënë se situata e sigurisë në Ukrainë vazhdon të jetë e paparashikueshme.
‘Situata e sigurisë në të gjithë Ukrainën vazhdon të jetë e paparashikueshme, me luftime aktive brenda shumë qyteteve dhe vendeve të tjera, dhe kushtet mund të përkeqësohen pasi sulmet ushtarake nga Rusia vazhdojnë në pjesë të ndryshme të vendit pa asnjë paralajmërim. Ambasada e SHBA-së u bën thirrje qytetarëve amerikanë në Ukrainë që të largohen tani duke përdorur opsionet e transportit të disponueshëm privatisht nëse është e sigurt për ta bërë këtë. Duhet të merren parasysh me kujdes rrugët dhe rreziqet e udhëtimit, sepse rrugët e Ukrainës janë në shumë raste të mbushura me njerëz, të ekspozuara ndaj operacioneve luftarake dhe infrastruktura si ura në disa vende është shkatërruar. Strehimi në vend mund ta mbetet alternative më e mirë për disa”, thuhet në njoftimin e ambasadës.
Po ashtu nga Ambasada amerikanë në Kiev u kanë rekomanduar qytetarëve amerikanë të përdorin pikëkalimet kufitare të Hungarisë, Rumanisë dhe Sllovakisë.
“Ne u bëjmë thirrje qytetarëve amerikanë që të largohen me opsione private, nëse janë të sigurt. Merrni parasysh rrugët dhe rrezikun. Shumë kalime kufitare tokësore polake dhe vendkalime kryesore të Moldavisë kanë pritje të gjata. Ne rekomandojmë kalimet kufitare të Hungarisë, Rumanisë dhe Sllovakisë. Pritjet mund të jenë orë të tëra”, thuhet në njoftim. /teve1.info.
We urge U.S citizens to depart now by private options, if safe. Consider routes & risk. Many Polish land border crossings & main Moldavian crossings have long waits. We recommend Hungary, Romania & Slovakia border crossings. Waits may be hours. https://t.co/wIdqcjM461
— U.S. Embassy Kyiv (@USEmbassyKyiv) February 28, 2022
