Pak më parë, ambasadori amerikan në Kosovë, Jeffrey Hovenier, tha se është e rëndësishme të shmangen tensionet dhe të shtyhet vendimi për targat e reja të automjeteve.
“Me rëndësi të shmangen tensionet dhe të shtyhet zbatimi i vendimit për targat e reja”, ka shkruar Hovenier në një postim në Twitter.
Hovenier po ashtu dënoi edhe “veprimet për frikësimin apo hakmarrjen kundër atyre që i kanë ndryshuar targat”.
Important to avoid tensions and postpone implementation of new license plate rules. We also condemn actions to intimidate or retaliate against those who have changed their plates. https://t.co/LkujTK0opf
— Ambassador Jeff Hovenier (@USAmbKosovo) October 27, 2022
Edhe Këshilltari i Departamentit të Shtetit, Derek Chollet, gjatë një bisede telefonike që ka zhvilluar sot me kryeministrin e Kosovës, Albin Kurti i ka kërkuar që të shtyhet vendimi në fjalë.
“Fola me kryeministrin e Kosovës Albin Kurti sot për të diskutuar rëndësinë e shmangies së tensioneve dhe shtyrjen e zbatimit të vendimit për targat e reja, pa konfiskime apo gjoba. Gjithashtu diskutuam partneritetin tonë dhe qëllimet e përbashkëta drejt avancimit të integrimit evropian dhe euroatlantik të Kosovës”, shkroi Chollet në rrjetin social në Twitter.
Ndërkaq, kryeministri Kurti për bisedën me Chollet nuk ka njoftuar se ka folur për çështjen e targave.
Kurti përmes një postimi në Twitter, tha se Cholletin e ka falënderuar për mbështetjen e vazhdueshme të SHBA-së për integrimin euroatlantik të Kosovës.
“Sot fola me dhe falënderova Derek Cholletin për mbështetjen e vazhdueshme të SHBA-së për integrimin euroatlantik të Kosovës. Siç tregohet në raportin e ËJP-së, duke e renditur Kosovën si të parën nga gjashtë vendet e Ballkanit Perëndimor dhe të 2-in më të përmirësuar në nivel global, ne përsëri dëshmojmë se sundimi i ligjit shkon dorë për dore me paqen, sigurinë dhe demokracinë”, ka thënë Kurti.
Vendimi për riregjistrimin e veturave me targa ilegale të lëshuara nga Serbia, me ato RKS, përfundon më 31 tetor. /Teve1.info/