Sot në Riad të Arabisë Saudite do të mbahet takimi mes zyrtarëve të ShBA-së dhe Rusisë me qëllim të dhënies fund të luftës së Rusisë në Ukrainë.
Siç raporton BBC, zyrtarët e dy shteteve tashmë janë në objektin ku do të mbahet takimi.
Në palën amerikane, sekretari amerikan, Marco Rubio, do t’i prijë delegacionit që do ta ketë edhe Mike Waltzin si sekretar të sigurisë kombëtare dhe emisarin për Lindjen e Mesme, Steve Witkoff. Ministri i Jashtëm rus, Sergei Lavrov, dhe këshilltari i Putinit, Yuri Ushakov, do ta përfaqësojnë Rusinë. Po ashtu në takim do të jetë Kirill Dmitriev, shefi i fondit sovran rus.
Ndërsa, në këto takime nuk do të jetë askush nga zyrtarët e Ukrainës.
Palët do të diskutojnë edhe për një mundësi takimi mes presidentit rus Putin dhe ati amerikan Trump.
