Mbrojtësi i krahut të majtë, Luke Shaw më në fund do të jetë në dispozicion të trajnerit të Anglisë, Gareth Southgate në “Euro 2024”.
Shaw do të jetë startues në ndeshjen e 1/8 së finales që Anglia e luan kundër Sllovakisë.
Aktivizimin e tij prej minutës së parë në këtë ndeshje e ka konfirmuar edhe vet trajneri Southgate, i cili pret shumë nga mbrojtësi i Manhcester Unitedit.
Shaw është rikuperuar plotësisht nga lëndimi, shkaku i të cilit nuk e luajti asnjërën prej tri ndeshjeve të fazës së grupeve përkundër se pritej të bënte një gjë të tillë.
Po ashtu, edhe vet Shaw ka pranuar se me padurim po e pret ndeshjen me Sllovakinë, e cila i takon fazës nokaut të Evropianit.
Dueli mes Anglisë dhe Sllovakisë do të luhet të dielën në stadiumin “Veltins Arena” prej orës 18:00.
Anglia përfundoi e para në Grupin C me 5 pikë kurse Sllovakia doli e treta në Grupin E me 4 pikë pas tri ndeshjeve të luajtura në fazën grupore.
