Madje, ai bëri edhe krahasim me pagën minimale që ishte 180 euro gjatë viteve të kaluara, duke thënë se kjo e fundit në rrethanat e caktuara kishte vlerë më të madhe.
“Paga minimale nuk është ndryshu është gabim iniciativa tash është duke u bërë nën presionin e disa veprimeve ose inateve politike propozimi që është bërë nga Qeveria pa dakordim të subjekteve tjera të Këshillit Ekonomik Social është vendosë që të bëhet me 265 euro ose neto 250 në kushtet e rritjes enorme të çmimeve në vitin 2021 edhe gjatë 5 muajve të parë të këtij viti është e pamjaftueshme, shumë e pamjaftueshme. Bile kjo 250 euro është më e vogël objektivisht sesa 180 euro para tri vitesh”, tha ai.
I ftuar në emisionin “Ditari” në Tëvë 1, Shatri vlerëson se në rrethanat aktuale, paga minimale do të duhej të ishte 400 euro, duke përmendur edhe përqindjen e papunësisë në vend.
“250 euro në këto kushte nuk janë të mjaftueshme tash kur është propozuar 300 deri 370 euro. Më është dukur e madhe fillimisht, por në ditët e sotme po mendoj që është e vogël edhe ajo që diku 400 euro ndoshta është më se normale sepse po ballafaqohemi me një fenonem tjetër në njërën anë e kemi 25 për qind papunësi zyrtarisht të deklaruar në anën tjetër shumë kompani po ballafaqohen me fenomenin e ikjes së punëtorëve dhe mos gjetjen e punëtorëve. Shumë kompani ndërtimore kanë problem, problemi është te kushtet po të jetë një pagë dinjitoze për kushtet minimale të jetesës, njerëzit nuk ikin”, tha ai.
Sipas tij, rritja e pagës minimale nuk ndikon fare në buxhetin e vendit, sepse në sektorin publik paga mesatare është mbi 600 euro.
“Për buxhet nuk ndikon fare, në sektorin publik paga mesatare është 606 euro në buxhet të këtij viti. Pagë minimale nën 400 euro nuk ka, në ndërmarrjet publike janë edhe më të larta sesa në pjesën buxhetit por në sektorin privat janë më të ulëta diku 400 e diçka euro. Por kjo nuk e godet as buxhetin fare, mund ta godet një pjesë të sektorit publik ku i kanë mbajtë me pagat minimale për rrethana të ndryshme” shtoi ai. /teve1.info/
