Xherdan Shaqiri është shpallur lojtari më i mirë i Baselit për sezonin 2024/2025.
Ai e fitoi epitetin e lojtarit më të mirë të kampionit dhe fituesit të Kupës së Zvicrës, me 66 përqind të votave.
Po ashtu, Baseli ka zgjedhur një mënyrë të veçantë t’i gëzojë shikuesit që kanë marrë pjesë në sondazh pasi ka vendosur t’i dhurojë 25 fanella me ngjyrë ari të vendosura në kornizë dhe të nënshkruara nga kapiteni Xherdan Shaqiri.
Shaqiri 33-vjeçar u kthye te Baseli në gusht të vitit 2024, ndërsa udhëhoqi ekipin zviceran drejt titullit dhe Kupës zvicerane të futbollit.
Ai e mbylli sezonin 2024/2025 me 21 gola dhe 22 asistime në 39 ndeshje kurse me Baselin ka kontratë deri në qershor të vitit 2027.
