Xherdan Shaqiri, futbollisti i Kombëtares së Zvicrës ka folur për mediat kosovare pas ndeshjes kundër ‘Dardanëve’ që përfundoi me barazim 1 me 1 në Zurich.
Ish-futbollisti i shumë skuadrave evropiane, ka dhënë një koment interesant në lidhje me dëshirën që ka pasur për ta përfaqësuar ekipin e Kosovës, shkruan Tëvë1
“Ndjenja ka qenë shumë speciale për mua sepse hera e parë kam luajtur kundër Kosovës, shtetit ku kam lindur. Ishte speciale me shikues që kishin stërmbushur stadiumin, dhe atmosferë fantastike. Kosova ka luajtur mirë, ka ekip të mirë dhe duhet ët vazhdojë të luajë kështu edhe kundër ekipeve tjera të forta. Kosova ka cilësi, por i nevojitet më shumë përvojë. I nevojitet edhe pak kohë, por është në rrugë të mirë për të shkuar përpara”.
“Normalisht që e kam pasur ndërmend ta veshi fanellën e Kosovën dhe kam pasur ëndërr të luajë, por luajë për Zvicrës dhe jam krenar sepse ky shtet na ka dhënë shumë mua dhe familjes time. Kosovën e kam ekipin tim të preferuar dhe e përcjelli gjithmonë. Ky ishte barazimi më i ëmbël i karrierës time”.
