Kthimi i Xherdan Shaqirit tek Baseli, ka konfirmuar se futbollisti shqiptar është një nga më të dashurit nga tifozët.
Asnjëherë Baseli nuk i ka shituar 13 mijë fanella në këtë pikë të edicionit. Kjo ka ndodhur këtë herë. Krahasuar me një vit më parë, numri është thuajse dyfish më i lartë, shkruan gazeta “Blick”.
Baseli ka tri fanella në shfrytëzim dhe të tri modelet janë shitur shumë në javët e fundit.
Gazeta e madhe zvicerane shkruan se “interesimi i madh nuk ka të bëj vetëm me dizajnin e pazakontë, por me lojtarin e ri që mban numri 10 – Xherdan Shaqiri”.
“Kthimi i tij në Basel ka bërë që shitjet e fanellave të prekin kulmin dhe ka shtyrë shitoren zyrtare dhe makinën e shtypjes në limite”, shkruan prestigjozja “Blick”.
Efekti i ardhjes së Shaqirit nuk shihet vetëm në fanella. Biletat vjetore po ashtu janë shitur më shumë se në kampionatin e kaluar.
Beseli këtë edicion deri më tani i ka zhvilluar 8 paraqitje, dhe ndodhet në vendin e 7-të të Superligës së Zvicrës.
Pos Shaqirit, te Baselli luajnë dhe Taulant Xhaka, Albian Ajeti, Benjamin Kololli dhe Leon Avdullahu.
