Xherdan Shaqiri dhe Donat Rrudhani kanë vazhduar me paraqitjet e mira me skuadrat e tyre në elitën e futbollit zviceran.
Dy futbollistët nga Kosova e kishin fjalën kryesore në xhiron e fundit të kampionatit në Zvicër që u zhvillua vikendin e shkuar.
Kjo ka bërë që si Shaqiri ashtu edhe Rrudhani të përfshihen në formacionin e xhiros së 32-të, ku të dy janë vlerësuar lartë.
Shaqiri është vlerësuar me notën 8.8 pasi shënoi dy gola në fitoren e Baselit 4:0 ndaj Zurichut, ndërsa Rrudhani ka marrë notën 7.9 pasi realizoi një gol dhe asistoi një tjetër në triumfin e Luzernit 5:0 ndaj skuadrës së Young Boysit.
Aktualisht, Baseli prinë në tabelë me 58 pikë, shtatë më shumë se Luzerni që renditet i treti pas 32 xhirove të luajtura deri më tani.
