Shala në emisionin “Info Nata” në Tëvë1, tha se Kosova ka një kryeministër që nuk di të japë llogari.
“E kemi për fat të keq një kryeministër që nuk dinë me dhënë llogari, ose kurrë në jetën e vet nuk është mësuar me dhënë llogari. Sa e ka një oponent politik kudo qoftë në parlament jashtë tij, kryeministri Kurti ka me pas këso forma apo mekanizma që me i fut në funksion për me i frikësu që të tjerët pastaj mos me u provu prapa. Këto janë metoda të kota për PSD-në, ne nuk kemi me u ndal. Rezistenca ndaj kësaj qeverie që është mbi të gjitha anti-UÇK, për fatin që po keqqeverisje tashmë ka me vazhdu në pafundësi”, tha ai.
Sipas tij, Kurti, simbolikën dhe shkëlqimin e veteranit të UÇK-së e ka shndërruar në çështje parash.
“Gjithçka që po ndodh prej që është kryeministër Kurti, Qeveria Kurti 2 deri më sot ne e kemi parë një Qeveri që po e përcjell një frymë anti-UÇK që ka ekzistuar edhe më herët. Përjashtimi i veteranëve nga kategoria e rritjes për pagën minimale flet shumë që Kurti simbolikën e shkëlqimin e veteranit të UÇK-së e ka shndërruar në çështje parash”, ka deklaruar Shala. /teve1.info/
