Ai tha se Shërbimi Korrektues i Kosovës, përkatësisht Departamenti Shëndetësor i Burgjeve, i cili është nën Ministrinë e Shëndetësisë, bën punë të mirë, mirëpo sipas tij, nuk ka kapacitete profesionale t’i trajtojë rastet me diagnozë terciare.
“Përkundër përpjekjeve që bën Shërbimi Shëndetësor i Burgjeve për t’u dalë në ndihmë këtyre pacientëve apo këtyre të privuarve nga liria, kapaciteti profesional i tyre nuk mundëson që ata të trajtohen si duhet, prandaj mbesin duke bërë kërkesa që të dërgohen në spitalet rajonale apo në QKUK, e cila për raste të caktuara duhet një përcjellje logjistike, duhet një mbikëqyrje e Policisë dhe për këtë arsye atëherë ata përballen me shumë probleme, ndërsa brenda të burgosurve, brenda familjes apo avokatëve të tyre, po edhe tek ne që i monitorojmë këto qendra, ndahen disa dyshime nëse ata po trajtohen në përputhje me nevojat që i kanë. Shërbimi Korrektues i Kosovës, përkatësisht Shërbimi Spitalor i Burgjeve, i cili është nën Ministrinë e Shëndetësisë, bën punë të mirë, mundohet të bëjë punë të mirë, mirëpo nuk ka kapacitete profesionale t’i trajtojë rastet me diagnozë terciare”, tha ai në emisionin “De Jure” në Tëvë1.
Për më shumë ndiqeni hulumtimin “Shërbimet shëndetësore në burgje”, i cili po transmetohet në “Tëvë1” dhe “Betimi për Drejtësi.
