Në lidhje me këtë, Shala në emisionin “Ditari” në Tëvë1, ka thënë se Prokuroria të dalë sa më parë me një hetim preliminar se kush është duke qëndruar mbrapa këtyre kërcënimeve.
“Prokuroria duhet të dal sa më parë me një hetim preliminare se kush është duke qëndruar mbrapa këtyre kërcënimeve apo emailave që janë duke u përdorur. Sepse ne nuk e dimë se a janë përmes postës zyrtare, përmes rrjeteve sociale apo thirrjes së drejtpërdrejta në institucionet përkatëse që janë duke u kërcënuar”, tha ai.
Sipas tij, të gjitha këto elemente në procedurë hetimore duhet të mblidhen dhe të analizohen.
Shala nuk e ka përjashtuar mundësinë që mbrapa këtyre alarmeve mund të qëndrojë ndonjë strukturë shtetërore e Serbisë, që sipas tij, mund ta ketë për qëllim destabilizimin e brendshëme të Kosovës.
“Në mënyrë vizuale e analizojmë, stacioni i autobusëve kur numri i qytetarëve është më i madh kemi edhe linja ndërkombëtare të transportit, çka në qoftë se në mënyrë hipotetike qëndron ndonjë strukturë shtetërore e Serbisë, i cili ka për qëllim të destabilizojë sigurinë e brendshme të Kosovës përmes krimit të një narracioni të tillë që serbët në Kosovë që janë të rrezikuar dhe mjeti eksploziv mund të gjendet në një autobus i cili ka linjën Prishtinë-Beograd. Kjo kishte me krijuar një pasojë jashtëzakonisht të madhe sa i përket sigurisë së brendshme por edhe në arenën ndërkombëtare”, tha Shala.
Sot përsëri është njoftuar për një alarm me bombë në Rektoratin e Universitetit të Prishtinës “Hasan Prishtina”. Mirpo kjo sipas Policisë doli të jetë i rrejshëm. /teve1.info/
