Shala për Tëvë1 tha se takimi i ambasadorit amerikan në Kosovë, Jeff Hovenier me “Ekipin e Unitetit” të viteve 2006 – 2007 erdhi si rrjedhojë e pakënaqësisë ndaj qeverisë Kurti.
Madje, sipas Shalës ky takim nuk ishte vetëm sinjal, por edhe një mesazh për Qeverinë Kurti.
Më tej, Shala tha se në pjesën e dytë të këtij viti mund të ketë avancim drejt arritjes së marrëveshjes..
“Kosova në pjesën e dytë të këtij viti do të ketë një impakt dhe përshpejtim të arritjes së marrëveshjes finale mes Kosovës dhe Serbisë, duke pasur parasysh qëndrimin, orientimin, diskursin e krijuar nga qeveria aktuale nuk pritet që kjo të ndryshojë. Me këtë gjë Bashkësia Ndërkombëtare nuk është e kënaqur, pra me këtë ngurtësi të qeverisë aktuale, atëherë filluan presione të ndryshme, përmes takimeve joformale që të diskutohet se si qëndron disponimi i subjekteve politike në Republikën e Kosovës”, tha ai në emisionin “Infonata” në Tëvë1.
Shala tutje tha se Shtetet e Bashkuara të Amerikës i kanë dërguar edhe më herët sinjale qeverisë Kurti 1, gjë e cila vazhdon edhe tani.
