Azdren Shala njohës i çështjeve politike , ka thënë se kryeministri në detyrë, Albin Kurti i ka më shumë se 52 vota për ta formuar qeverinë e re.
Sipas tij qëllimi i tij në seancën konstituive të së martës ka qenë thjesht për ta denigruar moralisht opozitën duke i asociuar me Listën Serbe.
“Unë mendoj që ka më shumë vota se ju e keni parë që aty në seancë ka pasur mungesa edhe nga deputetët e Vetëvendosjes, por qëllimi i djeshëm ka qenë me i denigruar moralisht opozitën duke i asociuar me Listën Serbe. Kurti i ka më shumë se 52 vota a i ka krejt mjaftueshëm për ta bërë qeverinë”, ka thënë ai në emisionin “Ditari” në Tëvë1.
I pyetur se kush janë numrat më tepër se 52, Shala ka thënë se mendon që deri në fund Kurti do t’i marrë të gjitha pakicat joserbe, një votë të Nenad Rashiq, si dhe tri vota të Nismës.
“Unë mendoj që deri në fund të gjitha pakicat joserbe i merr që i bie 48 të tij, plus pakicat joserbe bëjnë 58, plus një votë e Nenad Rashiq bëjnë 59, si dhe tri vota të Nismës pra bëhet qeveria. Tash a i mjafton kjo Kurtit, varet edhe prej pazareve si merren vesh në ndarjen e posteve në këtë rast me Limajn dhe me minoritetet”, ka deklaruar Shala.
Ai tutje ka thënë se Kurti për siguri ndoshta është në kërkim edhe të tre ose pesë deputetëve tjerë nga opozita dhe se sipas tij ka spekulime që dy deputete nga LDK-ja që do ta votojnë atë.
“Nëse dëshiron më shumë siguri eventuale sepse pastaj kur e ke qeverinë me 61 numra, një deputet po të kaloj në kampin tjetër ta rrëzon qeverinë. Ndoshta Kurti është në kërkim edhe të tre ose pesë deputetëve tjerë që mund t’i kap nga partitë opozitare. Deri tani ka spekulime, thuhet se janë dy deputete nga LDK-ja që do ta votojnë Kurtin”, është shprehur ai./teve1.info/
