Deputetët e Kuvendit të Kosovës kanë dështuar ta konstituojnë Kuvendin sot në përpjekjen e 13-të, pasi nuk kaloi propozimi i kryesuesit të seancës, Avni Dehari, për votim të fshehtë për kryeparlamentarin.
Ndryshe nga herët e kaluara, nuk u propozua kandidati për kryetar nga partia fituese e zgjedhjeve, Lëvizja Vetëvendosje.
Deputeti i PDK-së, Ferat Shala ka deklaruar se nga kjo seancë është i njëjti rezultat, i njëjti skenar dhe e njëjta shkelje juridike e ligjore.
Sipas tij, deputetëve nuk iu jepet mundësia me dhënë vërejtjen, sugjerimin që sipas tij po vazhdon zvarritja e formimit të institucioneve.
Ai fajëson partinë fituese LVV për mosinteresim të zhbllokimit të Kuvendit.
“Fatkeqësisht është i njëjti rezultat, i njëjti skenar i njëjti skenar e njëjta logjikë e njëjta përsëritje dhe e njëjta shkelje juridike dhe ligjore. As deputetëve nuk iu jepet mundësia me dhënë vërejtjen, sugjerimin e në këtë rast po vazhdon zvarritja e formimit të institucioneve nga LVV. Kjo është e qartë se për disa herë ata kanë 56 numra kjo është një arsye, arsyeja tjetër është që LVV nuk po donë me hy në afatin kushtetues ku iu kalon mandati i të qenurit të parë për formimin e institucioneve dhe arsyeja tjetër është zvarritja deri në pakufi e mundshme në mënyrë që ata t`a abuzojnë siç e kam thënë edhe herave tjera me mënyrën e menaxhimit të qeverisë dhe buxhetin e konsoliduar të vendit në dëm të qytetarëve dhe ekonomisë së vendit. LVV-ja nuk është e interesuar me e zgjedhur problemin, koha do t`i zbulojë se nuk ka seriozitet nuk ka intens për ta zhbllokuar situatën me qëllimet më të dëmshme, sociale, ekonomike në dëm të vendit”, ka deklaruar Shala në emisionin “Ditari” tëvë1.
Ndërkohë, Shala votimin e fshehtë e quan antiligjor dhe praktikë e pa pamë ndonjëherë.
“Votimi i fshehtë është krejtësisht antiligjor, praktikë e pa pamë ndonjëherë, por kundërshtia jonë ka qenë bazike që të jepet një mundësi, një kandidatë kredibil, unifikues i cili ka me udhëheq institucionet e më vonshme e që ka me qenë kontabil me kërkesat juridike, etike, morale në interes të vendit”, tha ai ndër të tjera./teve1.info/
