Pasi serbët e veriut nuk po i pranojnë targat “RKS”, por vetëm ato të Serbisë, Shala tha se pikërisht në këtë mënyrë ngritin tensionet duke mos u bindur urdhrave shtetëror të Kosovës.
“Ardhja e Petkoviqit në Kosovë është defakto pjesë përbërëse e një skenari që është duke u vazhduar nga shteti i Serbisë ta praktikojë në territorin e Kosovës. Pra, një skenar i cili lidhet kryesisht me ngritjen e tensioneve të brendshme për komunitetin serb që mos t’u binden urdhrave shtetëror të Kosovës, e sidomos për marrëveshjen që ata t’i ndërrojnë targat ilegale. Në anën tjetër duan ta paraqesin Kosovën në Arenën Ndërkombëtare si një shtet i cili nuk i përfill marrëveshjet paraprake”, deklaroi Shala në emisionin “Infonata” në Tëvë1.
Më tej, Shala njoftoi se Policia e Kosovës ka vlerësuar se vizita e vazhdueshme e Petkoviqit në pjesët ku është e planifikuar të qëndrojë, mund të paraqesë rrezik për të, prandaj kanë sugjeruar që ai ta ndërpresë vizitën dhe të kthehet në Serbi./Tëvë1.info/.
