Kandidatja për kryetare të Prishtinës nga Partia Socialdemokrate, Besa Shahini, të martën ka mbajtur takim me aktivistët për të drejtat e kafshëve.
Shahini ka bërë të ditur se në takim është diskutuar për praktikat më efektive të menaxhimit të situatës me qentë endacakë.
“Me aktivistët për të drejtat e kafshëve! Diskutuam për praktikat më efektive të menaxhimit të situatës me qentë endacakë. Nëse nuk adresohet burimi i problemit, që janë njerëzit që i braktisin qentë shtëpiakë, çështja e qenve të rrugës nuk do të zgjidhet kurrë”, ka shkruar ajo në Facebook.
Tutje ajo ka treguar sesi do ta reduktojë numrin e qenve endacakë.
“Pas largimit nga rruga dhe sterilizimit, politika kryesore duhet të jetë regjistrimi i qenve me pronar dhe parandalimi i braktisjes”, ka theksuar Shahini.
