Tokat e Rahovecit mbajnë prej vitesh kulturën e rrushit, por pas hardhive të tyre fshihet edhe një proces i gjatë pune, nga krasitja në dimër e deri te kujdesi në verë.
Por këtë vit, fermerët thonë se po ballafaqohen me disa probleme.
Përveç çmimit të ulët që u duhet ta shesin rrushin, ata kanë ankesë edhe për mungesë të fuqisë punëtore.
“Çdo ditë që vjen është vështirësi këtu. Vështirësia më e madhe është çmimi edhe plasimi pra ku me qu, janë kushtet pra këta prodhuesit e Vjenës pra e kemi fjalën edhe ata i kanë bo do kushte që na nuk mundemi me i përballu dmth ai kërkon me ia dorëzu rrushin në atë moment që i duhet atij që është edhe normale se unë i di procedurat qysh është kjo, por na s’kemi mundësi dmth nuk ka fuqi punëtore edhe qeshtu po ballafaqohemi me probleme dita ditës”, tregon fermeri Hasan Eminazeri.
Sfidë për fermerin Hasan Eminazeri mbetet edhe mungesa e ujitjes dhe reshjet e pakta gjatë verës.
“Këtu nuk ka ujë, nuk është sistemi i ujitjes se e kishim ndërru këtë kulturë, nuk ishim marrë me këtë, kishim mbjellë pemë tjera. Reshje këtu nuk ka pasë prej majit, tash që ka ra para 15 dite mu çudit qysh është bo ky rrush pa shi, mirëpo qeshtu është puna e bujkut në Rahovec”, deklaroi ai.
E në anën tjetër, punëtorët sezonalë thonë se pagesa është 50 euro në ditë, por puna e vjeljes sipas tyre, kërkon mund të madh fizik.
“Ky është në humbje prej rrushit, neve 4-5 veta sa na pagun ka 50 euro ky rrushin s’munet me shit aq. Vjelja është e rëndë për neve, ton ditën duhet me kap gajben me vjel rrushin me qit në gajbe. Rëndë është për neve ata po ankohen që është 50 euro meditja por nuk është shumë se ne po e bëjmë mundin”, tha punëtori Bashkim Janqishta.
Në Rahovec, rrushi mbetet një prej kulturave kryesore bujqësore.
