Objekti i Gjimnazit “Hivzi Sylejmani” në Fushë Kosovë, po shfrytëzohet nga nxënësit e shkollës fillore “Mihal Grameno”, të po të njëjtës komunë.
Kjo pasi objekti i kësaj të fundit nuk ka hapësirë të mjaftueshme për të gjithë nxënësit.
Megjithëse ndarja e ka lehtësuar punën e mësimdhënësve, nxënësit që po detyrohen të shkojnë në objektin e gjimnazit, po hasin në vështirësi, gjithashtu problem tjetër për këta nxënës është edhe orari mësimor.
Ismet Gashi drejtor i shkollës “Mihal Grameno”, thotë se është i detyruar t’i shfrytëzoi këto mundësi që i janë ofruar, ndonëse sipas tij nuk janë zgjidhje të duhura.
Ndërkaq, nga Drejtoria e Arsimit në Komunën e Fushë-Kosovës tregojnë pse ndodhen në këtë situatë.
Shkolla fillore “Mihal Grameno” numëron rreth tre mijë nxënës.
