Është caktuar data e nisjes së sezonit 2025/26 në Superligën e Kosovës në futboll.
Federata e Futbollit të Kosovës (FFK), ka njoftuar të mërkurën se sezoni i ri në Superligë do të nis më 16 gusht.
Pra, ndeshjet e xhiros së parë të elitës së futbollit kosovar, do të luhen më datat 16 dhe 17 gusht.
Pjesë e Superligës në sezonin e ri, do të jenë edhe Drenica e Prishtina e Re, skuadra që dolën kampione në Grupin A, përkatësisht Grupin B të Ligës së Parë.
Ndërkohë, edhe Liga e Parë do ti filloj garat në datën e njëjtë sikurse Superliga pasi sipas FFK-së, këto janë dy nivelet më të larta të futbollit në Kosovë.
Ndryshimi në Ligën e Parë, është se nuk do ti ketë dy grupe në sezonin e ri, por do të funksionoi si ligë unike me 18 skuadra.
