Fundori i Vëllaznimit, amerikani Samuel Sessoms është shpallur lojtari më i mirë për xhiron e tetë në Superligën e Kosovës në basketboll. Sessoms e ka fituar çmimin “MVP i Javës”, ka njoftuar Federata e Basketbollit të Kosovës (FBK), të hënën.
Amerikani pati paraqitje fantastike në ndeshjen ndaj Pejës, të cilën Vëllaznimi e fitoi me shifrat 100:99 për t’ia shkaktuar humbjen e parë kampiones në fuqi këtë edicion.
Ai ndeshjen e mbylli me 20 pikë, 8 kërcime e 8 asistime për ta udhëhequr Vëllaznimin drejt fitores së katërt rresht. Sessoms, po ashtu është përfshirë është në pesëshën më të mirë të xhiros së shtatë. Pjesë e pesëshes më të mirë, ishin edhe Jalen Ray (Vëllaznimi), Drilon Hajrizi (Trepça), Shaheed Davis (S. Prishtina) e Gëzim Morina (G.E. Ylli).
