Sulmuesi i Sllovenisë, Benjamin Sesko ka rinovuar kontratën me skuadrën e Leipzigut.
Ekipi gjerman, të mërkurën ka zyrtarizuar rinovimin e kontratës me Seskon.
Me rinovimin e kontratës, sulmuesi 21-vjeçar do të jetë pjesë e Leipzigut deri në verën e vitit 2029 dhe ka një klauzolë lirimi mbi 50 milionë euro.
Sesko iu bashkua Leipzigut verën e shkuar nga Salzburgu i Austrisë për 25 milionë euro dhe shpërtheu në sezonin e tij të parë me fanellën e ekipit nga Bundesliga.
Në 42 paraqitje në të gjitha garat, Sesko realizoi 18 gola dhe bëri 2 asistime. Pas rinovimit të kontratës me Leipzigun, Sesko ka thënë se një veprim i tillë është një hap i logjikshëm për zhvillimin e tij të mëtejmë.
