Vetëm sot mbi 10 civilë kanë vdekur si pasojë e sulmeve nga Moska të dirigjuara nga presidenti rus, Vladimir Putin.
I pari i Rusisë ka paralajmëruar se do të vazhdojë edhe më fuqishëm ofensivën ushtarake ndaj Ukrainës, ditëve në vijim.
E pavarësisht situatës së rëndë në Ukrainë, Profesori nga Johns Hopkins University, Daniel Serwer, thotë se ky shtet do ta fitoj ndaj luftën ndaj Rusisë.
“Rusia tani po e humbet luftën dhe do të kthehet të paktën në pozicionet e saj të 23 shkurtit dhe ka të ngjarë të humbasë edhe më shumë territor”, deklaroi ai.
Serwer për tëvë1 ka folur edhe për rrezikun e mundshëm të përdorimit të armëve bërthamore nga Rusia.
Sipas tij në këto momente, Presidenti rus Vladimir Putin është i paparashikueshëm.
Megjithatë ai ka treguar edhe për forcën që ka Uashingtoni.
“Parashikimet se çfarë do të bëjë një individ, veçanërisht një person irracional si Putini, nuk janë të mundshme. Por Uashingtoni ia ka bërë të qartë atij se çdo përdorim i armëve bërthamore në Ukrainë do të pasojë me një përgjigje nga Perëndimi. Prandaj, Rusia duhet të llogaritë mirë se çfarë katastrofe mund ta pret atë”, shtoi ai.
Shpërthimin mbi urën që lidh Rusinë me Krimenë ka rritur agresivitetin e Rusisë mbi Ukrainën.
Kronika e gazetarit Shpat Blakçori.
