Rruga rajonale Ferizaj–Gjilan, e cila ishte e pamundur për qarkullim për shkak të grumbullimit të ujit në rrugë, tashmë është rihapur.
Zëdhënësi i Policisë për rajonin e Ferizajt, Kanun Veseli, ka konfirmuar për tëvë1.info se bëhet fjalë për pjesën e rrugës që kalon nëpër fshatin Sojevë, në afërsi të kampit Bondsteel.
“Rruga rajonale Ferizaj–Gjilan, në segmentin në fshatin Sojevë (afër Bondsteel), e cila ishte e bllokuar për shkak të ujit në rrugë, është liruar dhe tani është e kalueshme për qarkullim”, ka thënë ai.
Bllokimi i kësaj rruge kishte ndodhur të martën si pasojë e reshjeve të dendura dhe kushteve të rënduara atmosferike.
Po ashtu, gjatë së njëjtës ditë u raportua se Lumi Sitnica kishte dalë nga shtrati në zonën e Lipjanit.
