Shtetet e Bashkuara të Amerikës dhe Bashkimi Evropian po kërkojnë uljen e tensioneve si parakusht për vazhdimin e dialogut mes Kosovës dhe Serbisë.
Në vazhdën e kërkesave për uljen e tensioneve në pjesën veriore të vendit, njohësit e çështjeve politike thonë se duhet t’i kërkohet Serbisë që të lejoj kthimin e serbëve në institucionet e Kosovës.
Profesori Universitar Dorajet Imeri thotë se me kthimin e normalitetit në veri duhet të ketë dhe kthim të serbëve në institucionet e tjera të vendit.
Analisti i çështjeve politike Albinot Maloku thotë se BE do të duhej ta bënte më herët këtë kërkesë ndaj Serbisë.
Në fundin e vitit të kaluar me urdhër të presidentit serb Aleksandar Vuciq, qytetarët serbë që ishin në institucionet e Kosovës u detyruan të japin dorëheqje.
Kronika e realizuar nga gazetari Valmir Gallopeni
