Njëra ndër to është edhe ajo përmes filmave, ku synon të mohohen krimet që ka bërë në Kosovë.
Ministria e Brendshme e Serbisë dhe Radio Televizioni serb kanë prezantuar një seri dokumentarësh të quajtur ‘’Dosja e Kosovës’’, ku shfaqin propagandën e tyre për të ndryshuar realitetin e luftës në Kosovë.
Për këtë janë në dijeni institucionet e Republikës së Kosovës.
Zëvendësministri i Punëve të Jashtme të Kosovës, Kreshnik Ahmeti, thotë se narracionet e Serbisë janë të pavërteta.
“Ne kemi pas një situatë në të kaluarën kur personat si Vuçiq kanë qenë direkt të përfshirë në qeverinë gjenocidale të Millosheviçit. Sigurisht ata e kanë narracionin e vet plotësisht të pavërtetë”
E regjisori, Ujkan Hysaj thotë që qëllimi i tyre tash e dy dekada nuk po ndalet në tentativë për të shtrembëruar të vërtetën.
“Ka fillu nëpërmjet filmit si strategji, ngase nën një është shpërlaja e trurit në kuptimin e audiencës së tyre, me e ruajt çka kanë bërë ata me e paraqitë ndryshe, ashtu siç është servu atje, nën dy është me e paraqitë përmes lobit të tyre që e kanë në rrjetin e kinemave që e kanë në disa vende ku ata mendojnë që kanë ndikim”, thotë Hysaj.
Mirëpo përveç kësaj serie dokumentarësh, Serbia tenton edhe përmes autorëve të ndryshëm në artikuj online të shfaqë UÇK-në si organizatë terroriste.
Njëri nga anëtarët e platformës ‘’Liria ka emër’’, Ismail Tasholli thotë se kjo tentativë ka qenë e vazhdueshme.
‘’Ajo ka qenë e vazhdueshme madje ata kanë përvojë që t’ia bëjnë propagandën humbjes së tyre”, thotë Tasholli.
Fushata online e Beogradit, sipas zyrës së qeverisë serbe, është shtuar që nga viti 2015, me planin për të minuar përpjekjet e Kosovës për anëtarësim në organizata ndërkombëtare.
Kronika e realizuar nga Albiona Hajdari
