Pronarët e automjeteve në vend të targave “PR”, “KM”, “PZ”, “GL”, “UR”, “PE”, “DA” apo “ĐA” , do të vendosin akronimin e Republikës së Kosovës, “RKS”.
Serbët e veriut, përmes një vendimi të Qeverisë së Kosovës këto ndryshime obligohen t’i bëjnë nga 1 gushti deri më 30 shtator.
Por, ky vendim nuk u mirëprit nga qytetarët e komunitetit serb në Mitrovicën Veriore.
“Jam e njoftuar për vendimin, çfarë mendimi mundem me pas. Kosova është Serbi. Nuk i respektoj vendimet e Prishtinës.“
Por jo të gjithë patën vullnet të jepnin mendime për këtë çështje.
Se nuk është mirëpritur ky veprim nga serbët e veriut, e thotë edhe Drejtuesi i Institutit për Afirmimin e Marrëdhënieve Ndëretnike, Fatmir Sheholl.
Realizimi i këtij procesi të ndërrimit të targave, do të mbikëqyret nga Ministria e Punëve të Brendshme.
Krahas këtij vendimi, ekzekutivi kosovar ka vendosur që automjetet nga Serbia që vijnë në Kosovë të kenë tiketë ngjitëse tek pjesa e simboleve ngjitëse dhe emërimit shtetëror nga 1 gusht deri
më 31 tetor.
Kronika e realizuar nga Florijeta Drenjani
