Ata këtë udhëtim e kanë bërë për ta mbështetur presidentin e Serbsisë, Aleksandar Vuçiq, i cili sot do të bëjë betimin në Kuvendin e Serbisë.
“President Vuçiq, me ty e gjithë Kosova dhe Metohia”, “President, faleminderit që mbrojte Kosovën dhe Metohinë tonë” dhe “Përderisa të jetë presidenti Vuçiq, në Kosovë do të ketë serb”, ishin disa nga pankartat e tyre, raporton portali kosovo-online.com
Natasha Nastic, anëtare e këshillit të Autoritetit të Përkohshëm të Komunës së Leposaviqit, thotë se kjo ditë është shumë e rëndësishme si për serbët që jetojnë në veri ashtu edhe për ata në jug të lumit Ibër.
“Edhe kësaj radhe qytetarët u mblodhën për të shkuar në Beograd bashkë me ne nga vetëqeverisja lokale dhe për të marrë pjesë në aktin solemn të betimit të presidentit tonë Aleksandar Vuçiq. Besojmë se vetë ky akt është shumë i rëndësishëm si për ne në veri ashtu edhe për serbët që jetojnë në vendet në jug të lumit Ibër”, tha Nastic./teve1.info/
