Gjobitja nga FIFA nuk i ka bërë aspak përshtypje shtetit serb, ku në ndeshjen me Brazilin vendos një flamur politik, e që përfshihej Kosova në të, dhe për këtë u gjobitën vetëm me 20 mijë franga zvicerane. Mirëpo tani i njëjti flamur politik u shfaq në një ndeshje tjetër, jo të futbollit por në hendboll.
Ky flamur ëndrrimtar për Serbinë që ka të vizatuar hartën e Kosovës dhe me mbishkrimin “Nuk ka dorëzim” në gjuhën serbe, është paraqitur në fundjavën e kaluar edhe në një ndeshje evropiane të hendbollit e zhvilluar në Slloveni. U takuan skuadra sllovene Gorenje Velenje dhe Partizani i Beogradit. Fitore të thellë shënoi skuadra sllovene, kurse flamuri i dënueshëm ka qëndruar në një kënd të palestrës.
Federata e Hendbollit e Kosovës pritet të reagoi zyrtarisht në Federatën Evropiane të Hendbollit për shfaqjen e flamurit provokues në Slloveni, dhe kjo për FHK-në është e papranueshme që flamuri pos që është shfaqur në tribuna, ka qëndruar i vendosur edhe në palestër.
