Senatorja amerikane, Jeanne Shaheen, i ka bërë thirrje Kosovës dhe Serbisë që të bashkëpunojnë për të arrestuar përgjegjësin e sulmit të 24 shtatorit në Banjskë të Zveçanit, Millan Radoiçiq.
“Ata duhet të arrestojnë Radojiçiqin dhe ta fusin në burg”, ka thënë Shaheen gjatë konferencës së Sigurisë që u mbajt në Munih.
I sanksionuari nga ShBA-ja dhe Britania e Madhe, Milan Radoiçiq, ka pranuar përgjegjësinë për sulmin, për çka senatorja Shaheen tha se i njëjti duhet të mbahet përgjegjës për vrasjet.
“Kam pasur rastin të takohem me presidentin Vuçiq sot në mëngjes, jam takuar me kryeministrin Kurti dje dhe një nga gjërat që mendoj se duhet të ndodhë është që duhet ta arrestojnë Radoiçiqin dhe ta fusin në burg. Ai ka pranuar bashkëfajësinë në atë që ndodhi më 24 shtator, ka pranuar vrasjet dhe tani duhet të mbahet përgjegjës për këtë, dhe Serbia dhe Kosova duhet të bashkëpunojnë për këtë”, ka thënë ajo.
Në sulmin e 24 shtatorit në fashtin Banjskë të Zveçanit ka mbetur i vrarë rreshteri policor, heroi Afrim Bunjaku, si dhe u plagosën dy të tjerë./teve1.info/
