Me rastin e 28-nëntorit përvjetorit të 112 të Pavarësisë së Shqipërisë, Selvie Avdyli pas 23 vitesh e pret në shtëpinë e saj në pjesën veriore në Kroi Vitak. Ajo ka thënë për Tëvë se është ndjenjë e veçantë që këtë datë ta pret në shtëpinë e re të cilën ia ndërtoi së fundi Qeveria e Kosovës. Ajo deklaroi se para 23 vitesh nga situata në katër komunat veriore ka qenë vështirë depërtimi në këtë zonë por që tash ajo pret që edhe familjet e tjera shqiptare të kthehen në komunat veriore. Sipas saj, fqinjët serb nuk ia kanë uruar sot festën e Pavarësisë së Shqipërisë.
Për herë të parë pas 23 vitesh, Selvie Avdyli nga Kroi i Vitaku në veri po e pret me gëzim festën e 28-nëntorit.
Me këtë gëzim ajo ndërlidh edhe shtëpinë e cila ju ndërtua së fundi nga qeveria e Kosovës, pasi iu dogj pas luftës nga strukturat paralele.
“Është shumë ma ndryshe ndjenjë më e mirë, e ki oborrin, shtëpinë tënde, vendin tënd ku e ke bërë mundimin shumë vite më para edhe qashtu. Më lehtë e kom disi njëfarë vullneti në jetë nuk di si ta shprehi e ka lënë Zoti me pas gjithkush një pronë të veten. Ka qenë situata që nuk kemi pas mundësi me depërtua këndej tash shyqyr 1 vit e këndej ka ndryshuar puna për të mirë na e maruan shtëpinë dhe vendosëm me ardh”, ka thënë kryefamiljarja, Selvie Avdyli.
Asaj i mungojnë fqinjët shqiptarë me të cilët kaloi jetën para shumë vitesh.
“Po mungojnë shumë kojshia, po mungojnë se jemi mësua me qenë të gjithë këtu bashkë, e tash njëherë përnjëherë nuk janë por po ua ndërtojnë shtëpitë po jemi optimist se shpejt do të vijnë. Rregullohen rrugët, rregullohen gjërat siç ka premtuar qeveria po presim më mirë”.
Ajo thotë se tentuan qysh pas luftës të depërtojnë në këtë zonë por qe e pamundur.
“ Kena tentua menjëherë pas luftës në shtator kanë pas probleme, kanë tentua me hy kojshia këtu por nuk kanë lënë, masnej qashtu hajt sivjet, hajt sivjet shkoj 23-4 vite, kështu që nga 23-ti 2023 që na kanë rregullu shtëpitë masnej kemi fillu me ardhë më lirshëm tash po vijnë të gjithë pa asnjë problem pa asnjë telashe” .
E për festën e 28- nëntorit, Selviu Avdyli nuk pranoi asnjë urim nga fqinjët serbë.
“Ishalla veç vjen dita që të festojmë edhe ne në veri sikur ata në Jug. 04:03 sa i përket 28 nëntorit nuk ka kurfarë urimi apo diçka e tillë, ama mirë është qetë është kojshia shumë mirë po sillen, njëherë për njëher mirë shumë”
Si kjo shtëpi në Kroin e Vitakut, janë në ndërtim e sipër dhe disa të tjera të cilat po rinovohen.
