Kandidati i Lidhjes Demokratike të Kosovës (LDK) për kryetar të Prizrenit, Driton Selmanaj, ka premtuar se çdo familje që përfiton përkujdesje sociale do të marrë nga komuna një ndihmë prej 500 eurosh, në rast të fitores së tij në zgjedhjet lokale.
Selmanaj ka theksuar se ky vendim synon të sigurojë që asnjë qytetar të mos jetojë me pasiguri dhe frikë për jetesën e përditshme.
Ai e cilësoi këtë si një zotim të prerë, pjesë të kontratës së tij me qytetarët, duke shtuar se politika ka kuptim vetëm kur përmirëson jetën e njerëzve dhe i ngre ata lart.
“Çdo familje që merr përkujdesje sociale do të ketë ndihmë nga komuna. Ky nuk është thjesht një premtim politik, por një angazhim konkret për të garantuar dinjitet dhe siguri për të gjithë. Do ta realizojmë këtë së bashku, me përgjegjësi, me zemër dhe me punë të ndershme”m ka deklaruar Selmanaj.
