“Dua ta marrë një referencë se çka ka thënë vetë kryeministri Kurti në vitin 2015. Ka thënë kështu: Kush e shkel ligjin është kriminel, por kush e shkel Kushtetutën është super kriminel. E ka pas fjalën për kryeministrin Mustafa. Dhe ka thënë: nuk ka kriminel më të madh në burgjet e Kosovës sesa kryeministri i Kosovës që e ka shkel Kushtetutën. A janë këto fjalët tuaja kryeministër?! A vazhdon me mendu edhe sot, kushdo që e shkel Kushtetutën është kriminel, është super kriminel?!”, tha Selmanaj.
Gjatë fjalës së tij, Selmanaj pyeti se “çka është kjo qasje hipokrite, çka është kjo qasje e papërgjegjshmërisë totale ndaj situatave që ndodhin në Kosovë”.
Tutje, ai i bëri thirrje Qeverisë që ta shkarkojnë menjëherë ministren e Arsimit, Arbërie Nagavci.
Një kërkesë të tillë Lidhja Demokratike e Kosovës (LDK) e kishte bërë edhe gjatë javës së kaluar, ku ka kërkuar dorëheqjen e ministres Nagavci, pasi që Kushtetuesja vendosi që kjo ministri nuk kishte pasur të drejtë me vendimin për ndërprerje të reformës në arsim në Kamenicë, të nisur nga ish kryetari i kësaj komune, Qëndron Kastrati. /Teve1.info/
